東京暴雪機場亂　港人滯留坐一萬元的士

[youtube]gHtFGL_C39E[/youtube]

【本報訊】日本東京受45年一遇的大雪吹襲，陸空交通幾近癱瘓，數百航班須取消或延誤。原定前日經東京返港的縱橫遊北海道七天團32名港人滯留東京成田機場，有扶老攜幼的受影響團友形容如走難，「長期病患老人家冇藥食，歲半幼兒冇奶粉食，喺機場連買支水都買唔到……個個都謝晒」。縱橫遊希望今日可安排航班接載團友回港。
記者：謝明明　司徒韋桐

受影響團友張先生（化名）表示，他們一家15人參加縱橫遊新春北海道七天團，團友合共32人，每人團費近兩萬元，在年初三出發，原定前日乘搭日本航空由北海道札幌經東京成田機場返港。由於大風雪關係，該團前日往成田的內陸航班在成田機場上空盤旋兩個多小時，最終不能降落，在傍晚6時轉飛名古屋。

[img]http://static.apple.nextmedia.com/images/apple-photos/apple/20140210/large/1391966071_ef74.jpg[/img]
■受大風雪影響，東京成田機場交通受阻，部份滯留旅客「打地鋪」過夜。旅客張先生提供圖片

[b]改飛名古屋入住酒店[/b]
在旅行社安排下，團友入住名古屋市郊一間酒店，但須自行搭火車往酒店，怎料火車發生故障，團友須搭的士往另一車站，再接駁火車往酒店，張說：「我哋等咗兩個鐘頭的士，的士站又大風又凍，啲小朋友頂唔順，好辛苦。」
他們輾轉於半夜三時抵達酒店，昨早9時出發搭新幹線往東京，再轉搭機鐵到成田機場，「抵達成田已經係下晝四時」。張稱，機場已塞滿大批滯留旅客，「有好多旅客同我講噚日（前日）起已滯留機場走唔到，唔少人索性瞓喺地下休息」。
張續吐苦水：「我爸爸𠵱家坐住輪椅喺機場度，70幾歲老人家有長期病患，藥已經食晒；我嘅歲半小朋友亦冇晒奶粉食，我哋15人拎住20箱行李，左逼右逼，嗰種混亂同驚惶失措情況，小朋友嚇到喊……機場連買支水都買唔到，每間食店都有成60、70人排隊，領隊又答唔到今日（昨日）可唔可以上到機，我哋好徬徨。」他不滿旅行社安排，「雖然天災，但旅行社係咪可以安排得好啲？原本開開心心去旅行，如今個個唔舒服，又腳痛又頭暈，好似走難咁」。
縱橫遊業務顧問袁振寧對引起團友不便致歉，「我明白團友嘅心情同不滿，但我哋已經盡能力安排，希望團友體諒」。他稱，因成田機場於前日關閉，該團改飛名古屋入住酒店一晚，昨早由名古屋乘子彈火車往機場，但航班爆滿，旅行社安排團友入住一晚，望今日可安排其他航班接載團友回港。受影響團友若經該旅行社購買旅遊保險，每位最高可獲2,000元延誤賠償。
另一旅行社東瀛遊亦有旅行團受影響，其執行董事𧝁國全說，有一北海道五天團原定昨日由香港出發，經東京往北海道，因羽田機場關閉，須延期今日出發，30名團友受影響。

[b]港11班來往航班延誤[/b]
昨有部份港人成功由東京返港，他們均表示東京交通幾近癱瘓，機場情況混亂，他們乘搭的航班亦延誤近六小時。
機管局昨表示，受惡劣天氣影響，截至昨日下午5時，有11班來往本港及東京的航班延誤。入境處截至昨晚8時接獲兩宗求助個案。其中一宗港人已返港；另一宗處方已向求助人提供意見。

[img]http://static.apple.nextmedia.com/images/apple-photos/apple/20140210/large/a0101a.gif[/img]
■受大風雪影響，東京成田機場交通受阻，部份滯留旅客「打地鋪」過夜。旅客張先生提供圖片

[b]返港旅客心聲[/b]
[img]http://static.apple.nextmedia.com/images/apple-photos/apple/20140210/small/a0101c.gif[/img]
何先生：
「一早出發去機場，幾經辛苦先截到架的士，臨飛前一個鐘先到機場，差啲上唔到機。」

[img]http://static.apple.nextmedia.com/images/apple-photos/apple/20140210/small/a0101d.gif[/img]
梁太：
「東京交通好混亂，機場又逼爆人，航空公司又冇指示，淨係叫晒啲人入禁區等。」

來源:[url]http://hk.apple.nextmedia.com/news/art/20140210/18620843[/url]

欣賞你的作品~推